منوج سنہا سے آئی ایف ایس افسران کی ملاقات۔ جموں و کشمیر کی عالمی تشہیر پر تبادلہ خیال

سری نگر//انفو// لیفٹیننٹ گورنر منوج سِنہا نے آج لوک بھون سری نگر میں اِنڈین فارن سروس (آئی ایف ایس) کے 2011 بیچ کے اَفسران کے ایک گروپ سے ملاقات کی۔یہ افسران اَپنے’ مڈ کیریئر ٹریننگ پروگرام ‘کے تحت جموں و کشمیر کے ایک ہفتہ طویل سرکاری دورے پر ہیں۔ دوران ملاقات دورے پر آئے اَفسران نے اَپنے پیشہ ورانہ تجربات اور معلومات کا تبادلہ خیال کیا اور یونین ٹیریٹری جموں و کشمیر کی عالمی سطح پر موجودگی کو بڑھانے کے طریقوں پر بات چیت کی جس میںبالخصوص تجارت، سیاحت اور ٹیکنالوجی کے شعبوں پر توجہ مرکوز کی گئی۔دوران گفتگوجموں و کشمیر میں جاری ترقیاتی اَقدامات کو بھی اُجاگر کیا گیا جن میں نوجوانوں کو بااِختیار بنانے، کھیلوں کے فروغ اور بین الاقوامی تقریبات کے اِنعقاد میں سہولیت فراہم کرنے پر خصوصی توجہ دی گئی ہے۔وفد میں سروجیت سوڈان، ومرش آریان اور اویسہ اِقبال شامل تھے۔